Xarunta Dhexe ee Jaamacadda SIU waxaa maanta ka qabsoontay munaasabad gaari lagu guddoonsiinayay Midowga Ardayda.

Ardayda Jaamacadda SIU ka barata kuliyadda Siyaasada Iyo Cilmiga Bulshada ayaa loo qabtay tababbar ciwaankiisu yahay 𝐒𝐭𝐫𝐚𝐭𝐞𝐠𝐢𝐜 𝐍𝐞𝐠𝐨𝐭𝐢𝐚𝐭𝐢𝐨𝐧 𝐚𝐧𝐝 𝐂𝐨𝐧𝐟𝐥𝐢𝐜𝐭 𝐑𝐞𝐬𝐨𝐥𝐮𝐭𝐢𝐨𝐧, kaasoo ka qabsoomay Xarunta Maamulka Jaamacadda SIU, waxaana tababbarka bixiyay 𝐌𝐨𝐡𝐚𝐦𝐮𝐝 𝐉𝐚𝐦𝐚 𝐇𝐚𝐬𝐡𝐢.Xafiiska Midowga Ardayda Jaamacadda SIU ayaa soo agaasimay tababbarkan, waxaana goobjoog ahaa maamulka kulliyadda iyo xubno kale.

Midowga Ardayda Jamacada SIU Ayaa Qayb Ka ahaa Munaasabadda Saxiixa Ku-biirista Soomaaliya ee Heshiiska Qaramada Midoobay ee La-dagaallanka Dembiyada Abaabulan ee Qaramada Isaga Gudba iyo Borotokoolladiisa.

Guddoomiyaha Jaamacadda SIU Dr. Maxamed Cali Ismaaciil iyo guddiga qabanqaabada xafladda qalinjebinta dufcada 9-aad ee Jaamacadda SIU waxay bogaadinayaan shaqada wanaagsan ee xukuumadda ardaydu ay ka qabatay xafladda qalinjebinta. Qurxinta munaasabadda iyo dhawridda habmaamuuskaba waxaa door fiican ka qaadatay ardayda, waana ku amaaneynaa dadaalkooda. Hambalyo Class of 2024.

Xafiiska Midowga Ardayda Jaamacadda SIU ayaa sameeyay qurituurta koobka kubbadda cagta ee soodhoweynta ardayda sannadkan ku cusub jaamacadda.Koobkan ayaa si rasmi ah uga furmi doona garoonka xarunta dhexe ee Jaamacadda SIU maalinta Axadda ah 15/12/2024.